Ки ҳастам ман? 👀
Ман Ризо 👋🏻
Мутахасиси IT ҳастам ва ишқи зиёде ба Текнолоҷӣ дорам. Соли 5-ум мешавад, ки фосилавӣ дар ширкатҳои гуногун кор мекунам.
- Донишгоҳи Бонкии ш.Бидгош, Ҷ.Лаҳистон-ро ҳамчун Web-барномасоз хатм. кардам
- 1 cентябри 2023, баъд аз хатми донишгоҳ, аввалин ширкати расмии худро бо ҳам-муассисам Зулфиқор таъсис додем. Дониш ба мисли фарзанди аввалин аст. Дӯсташ медорам ва умедворам/ем, ки бузург хоҳад шуд
- Одатан ҳар сӯбҳ барои 4 соат рӯза мегирам.
- WiFi – ро комилан истифода намебарам.
- Танҳо бо интернети сими кор мекунам, телефонам дар “реҷаи ҳавопаймо” аст. Душвор аст, манро ёфтан.
- Бо Email ва Zoom муошират карданро меписандам
- Забономӯзиро дӯст медорам: тоҷикӣ, инглисӣ, русӣ, лаҳистонӣ ва испаниро балад ҳастам.
- Дар дигар Шабакаҳои Иҷтимоӣ нестам (шахсан).
- Сохатни маҳсулоти рақамӣ, суҳбат бо одамони навовар, забондон, футболбоз, ва эҷодкор ба ман писанд аст.
- Аз эҷод кардани муҳтаво лаззат мебарам ва аз соли 2016 инҷониб ба он машғулам 🎥
- Дар YouTube саҳифае дорам бо номи Ризо Гиёв. (баъд аз 7 сол 1000 обуначӣ ҷамъоварӣ кардам).
Ман дар он ҷо муҳаббати худро ба навор ва муҳимтарин мавзӯ барои ман “ҳаёти ман” – ро намоиш медиҳам. Бо вуҷуди ин, ман ҳаёти худро як чизи беназир намешуморам, аз ин рӯ видеоҳо барои гуё “худнамоишдиҳӣ“- нестанд.
Балки, барои манфиати шумо ва эҳтимолан “илҳом” бахшидани Шумо тарҳрезӣ шудаанд.
Сипос, ки дар ин сафар манро ҳамроҳӣ мекунед 🙌🏻
Дониш🧑🎓
Дар гузушта, мардум аз китоб илм меомӯхтанд. Пасон ба донишгоҳ рафтанро шуруъ карданд. Солҳои охир бошад, марказҳои омӯзишӣ фаъолиятро шуруъ карданд. Вале то ҳол мушкилӣ ба назар мерасад. Мушкилии вақт, мушкилии макон. Мушкилӣ, дар системае буд, ки ба ту дарсҳои нолозимаро барои солҳои зиёд меомӯзонид. Ана, ин мушкилиро, мо бо тариқи Фанновариҳои Иттилоот ва сохтани платформаи омӯзишии онлайнӣ, ҳал кардан мехоҳем.
Ҳей Ризо 👋🏼
“Ҳей Ризо!” @hejrizo
Ин ҷумлаи саволӣ, ба дӯстони онайнии ман хело писанд омад. Дар шарҳҳо онро бисёр навиштанд. Пешниҳод кардан, ки бо ҳамин ном, вебномаи Ютюбии дигар созем 🎥
Ин вебнома, барои ҳуҷҷатгузорӣ кардани наворҳои кутоҳи ҷолиб, аз пахшҳои мустақим мебошад. Дар оняда, ҳаммаи подкастҳо, баҳсҳо, навгониҳо дар ин вебнома нашр мешаванд.
Ризо & Омӯзгорӣ 👨🏻🏫
Аз хурдӣ, ба омӯхтан ва омӯзонидани маҳоратҳои худ ба дигарон, шавқу рағбат ва ишқи беандозае доштам. Ҳатто, вақте ба дастаи футболи ноҳияамон пайвастам, манро ҳамчун капитани даста интихоб карданд. Чун, ман одамонро дӯст медорам ва кор бо одамон, ба ман хело осон меояд. Ана вақте синфи 10 шудам, зиёда аз 8 шогирд доштам. Онҳо ба ҳуҷраи хурдакаки ман меомаданду ман ба онҳо Инглисӣ дарс мегуфтам. Ана имрӯз, ки ман донишгоҳро хатм кардаам ва зиёда аз 4 соли таҷрибаи кории касбӣ дар соҳаи IT дорам, хостам кори бузугртареро анҷом диҳам.
МАҚОЛАҲОИ ОХИРИН
ҲИКОЯИ МАН ТО БА ИМРӮЗ
Қарор додан ба тарки футбол дар соли 2017 ва гузаштан ба соҳаи IT беҳтарин қарори ҳаётам буд.
Ин аст он чӣ ки баъд рӯй дод:
- 2017: Орзуи 6-солаи футбол шуданро тарк кардам ва ба таҳсилот диққат додам.
- 2018: Забонҳои англисӣ ва русиро омӯхтам, стипендияи раиси ноҳияи Рӯдакӣ-ро гирифтам ва ба гурӯҳи волонтёрони ноҳиямон ҳамроҳ шудам.
- 2019: Мактаби миёнаро бо баҳои аъло хатм кардам, стипендия аз Иттиҳодияи Аврупо гирифтам ва ба Лаҳистон барои таҳсили илмҳои компютерӣ кӯчидам.
- 2020: Саҳифаи YouTube-и худро оғоз кардам (ҳоло бо зиёда аз 2000 обуначӣ), вебсайти шахсии худро сохтам ва ба навиштани блогҳо шурӯъ намудам. Дар корхонаҳои гуногун дар давоми таътилҳо кор кардам то зиндагиямро бо пули худ гузаронам.
- 2021: Дар Volvo Group IT ҳамчун таҳиягари барномаҳои мобилӣ таҷрибаомӯзӣ гирифтам. Гарчанде, ки баъд аз он ман вазифаи барномасозиро нагирифтам, ман устувор мондам ва аз ишқи худ ба Текнолоҷӣ ҳаригиз даст накашидам.
- 2022: Аввалин кори касбии IT-и худро дар HCL Poland ҳамчун агенти хидматрасонии мизоҷ (Service Desk Agent) барои Adidas оғоз кардам. Дар ин муддат, ман забони лаҳистониро омӯхтам ва сертификатҳои нави IT гирифтам.
- 2023: Пас аз як сол дар хидматрасонии мизоҷ (Service Desk), ман ба вазифаи мутахассис пешбарӣ шудам. Ман дар HCL дар маҷмӯъ 2 солу 3 моҳ мондам. Дар ҳамон сол, ман донишгоҳро бо дипломи муҳандисии лаҳистонӣ хатм кардам. Ба RapidSeedbox ҳамчун администратори Linux барои 2 моҳ ҳамроҳ шудам. Donish.io (пештар ITomuz.com)-ро оғоз кардам ва ба мубодилаи донишҳои IT-и худ дар саҳифаҳои YouTube-ам идома додам. То охири сол, ман ба 1000 обуначӣ расидам ва зиёда аз 10 блогро дар вебсайти шахсии худ нашр кардам.
- 2024: Зиёда аз 13 нафарро дар лоиҳаи тарафии худ ҳамроҳ, идора ва ҳамкорӣ кардам. Курси ITF Plus (аз CompTIA)-ро ба забони тоҷикӣ тарҷума кардам ва онро дар платформаи омӯзишии сохтаи худ, Donish.io, нашр кардам. Вазифаи нав дар Thomson Reuters гирифтам ва ба Гданск кӯчидам.
Ин як сафари афсонавӣ буд 🌄
Имрӯз: Ман ба васеъ кардани Donish.io, пешрафти касбии худ дар Thomson Reuters, беҳтар кардани забони испаниям ва анҷом додани сертификатсияҳои иловагӣ диққат медиҳам.
МАҲОРАТҲО:
- Идоракунии Linux
- Таҳияи барномаҳои мобилии кросс-платформа (Flutter)
- Таҳияи REST API (Golang)
Шабака ва амният (VPN, Proxy) - Баррасии код ва идоракунии вазифаҳо
- Маҳоратҳои эҷодкорӣ (Adobe Suite, Sony Vegas Pro, CapCut)
СЕРТИФИКАТСИЯҲО:
- CompTIA ITF+
- CompTIA A+
- CompTIA Security+
- CompTIA Network+
- CompTIA Linux+
БИЁ СУҲБАТ КУНЕМ
Ягон савол доред? Ман ҳамеша омодаам, ки дар бораи тиҷорати Шумо, лоиҳаҳои нави Шумо, имкониятҳои эҷодӣ ва ба кадом роҳҳо ман ба Шумо кумак карда метавонам, суҳбат кунем.